ما هو عقد عمل أنابيك ‘ Contrat-Anapec’

تتقدم الشركة بطلب إلى وكالة الأنابيك الأقرب إلى مقرها و تحدد العدد المطلوب من المتدربين و أيضا التخصص الذي تريد و الأجر الذي سوف يتقاضون.

الشروط للإستفادة من هذا العقد بالنسبة للباحثين عن عمل :

نعطيك مثال الا خدمتي بعقد أنابيك و دازت شهر أو شهرين أو حتى خمس أشهر و خرجتي أو خرجوك فعندك الحق تستافد من عقد أنابيك أخور إلا جاب الله لقيتي خدمة بكونترا أنابيك.

أما إلا فتي 6 شهور د الخدمة و خرجتي فمعمرك باقي غاتستافد من كونطرا أنابيك حيت لسبب بسيط الدولة غاتعطيك زوج فرص باش تستافد من عقد أنابيك لي فيهم المميزات لي قلنا فلول و مغاتبقاش ديما تخلص عليك الضريبة و على المشغل الإقتطاعات.

ونتا تبقا تبدل من خدمة لخدمة و ديما بعقد أنابيك و هادشي فيه ردع للمشغلين باش مايبقاوش إدخلو و يخرجو ناس و يستغلو المميزات د العقد (قلنا متيخلصش الضمان الاجتماعي و الضريية على التكوين المهني) و خاصك تعرف أن المشغل حتى هو إلا مالتزامش إخدم 60% من ناس لي دار ليهم كونطرا أنابيك فراه معمرو غايستافد مرة اخرى من هاد المميزات. 

مثلا إلا شي شركة خدمات 10 ناس بسطاج / كنطرا أنابيك فكيلزمها تخدم بعقد (CDD/CDI) على الأقل 6 اذن، تايبقى الحل هو تفرض راسك تكون مابين دوك 6 و تبين على حنت يديك.

و خاصك تعرف كذلك أن عقد اناييك أقل حاجة فيه هو 1600 درهم و أكثر حاجة هو 6000 درهم و أقصى مدة هو 24 شهر أي عامين كتسالي كونطرا تلقائيا، إما كتفارقو إما كيحولها لكونطرا عادية حلالا طيبا و نتا سطاجير خاصك تفرض راسك باش ترسم معاهم إن شاء الله.