Advertisement
Advertisement

البحث التمهيدي و البحث المعمق ولوج صفوف الأمن الوطني

كيف كتعرفوا عملية البحث في مجال الأمن لي كتقوم بها المديرية العامة للأمن الوطني بتعاون مع مختلف الأجهزة الأمنية الأخرى تنقسم لجوج ديال الأنواع البحث التمهيدي و البحث المعمق شنو كيعنيو والفرق بيناتهم؟

البحث التمهيدي هو واحد الإجراء كيقوموا به جوج ديال الأجهزة “إر جي” (الولاية ويمكن ندخلوا معاهم الاستعلامات) و”الديستي” (المخابرات)، هاد البحث اذا نجحتي فيه كيسمح ليك تبدا السطاج بشكل عادي؛

شنو كيركزوا فهاد البحث؟

  • كيعتمدوا فيه على النظم المعلوماتية وكيجبدوا حسن السيرة ديال أفراد العائلة    .
  • كيسولوا عليك اعوان السلطة (الشيخ – المقدم)   .
  • يقدر يجيو لعندك للحومة يسولوا عليك أو يجيو للدار نيشان.
  • واذا كنت مزوج يسولوا على الزوجة ديالك والمحيط ديالها ايضا.
  • ممكن يتصل بك المخبر ويسولك بنفسه.
Advertisement

وهنا ضروري نفتح واحد القوس ونقول ( أنه عملية البحث لا تتم بشكل جماعي وإنما بشكل فردي أي كل مترشح على حدة، لذلك عملية البخث قد تطول عند البعض وقد تقصر عند البعض الآخر وذلك راجع لأسباب منها عدد أفراد العائلة لي كيختلف من مترشح لآخر وكذا الوتيرة لي خدامة بها اللجنة المكلفة بالبحث).

أما البحث المعمق فهو كيستمر واخا بديتي السطاج وكيكون فيه التحقيق والبحث بشكل تفصيلي اي أنه كيشدوا كل عنصر من أفراد العائلة وكيديرو عليه البحث وممكن يتصلوا ببعض افراد العائلة من أجل الاستجواب، واذا شكوا فشي واحد من الأسرة انه كينتمي مثلا لشي جماعة او كيقوم بشي ممارسات مشبوهة عندئد كيوضعوه تحت الحراسة ويبحثوا عليه بشكل مفصل.

البحث المعمق باختصار هو أكثر دقة من التمهيدي وكيكون فيه المخبر والأجهزة مطالبة بتقديم تقرير مفصل على المترشح نفسه وعلى أفراد عائلته.

فالبحث المعمق اذا قدر الله وكان البحث سلبي ممكن يتقصى المترشح وخا يكون بدا السطاج وقرب يتخرج للأسف كيتقصى، لهلا يحط شي حد فهاد الموقف.

من سلبيات البحث المعمق هو انك واخا غادي تكون فالسطاج غادي يدوز عليك سطاج تحث الضغط ديما غادي يبقى يجيك ديك الهاجس ديال انك مهدد واخا تكون امورك مزيان، تولي نهار تسمع سميتك من عند الإدارة يطيح فيك النصف تقول صافي مشيت فيها.

موضوع منقول للإفادة

Advertisement

المزيد من الوظائف

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

24 + = 25

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Advertisement

المزيد من التصنيف